U dyshua për Koronavirus, dalin analizat për 50-vjeçaren nga Lushnja

Ditën e djeshmë u njoftua se një grua 50-vjeçare nga Lushnja u mbyll në karantinë në spitalin e Infektivit në QSUT.

Lajmi bëri bujë pasi gruaja paraqiste shenja të koronavorusit, por për fat të mirë rezultatet kanë dalë negative.

Mësohet se 50-vjeçarja kishte ardhur para 3 ditësh nga Padova, Itali dhe dje ka bërë analizën ndërkohë që ka figuruar e paprekur.

Dje gruaja u paraqit në spitalin e Lushnjës ndërsa stafi i mjekëve e transferoi në QSUT duke respektuar protokollin.

Fatmirësisht deri më tani asnjë rast nuk është regjistruar me Koronavirus në vendin tonë dhe në disa vende të tjera të Ballkanit.