Tiranë/ Mbyllet viti akademik në Universitetin e Mjekësisë, provimet me shkrim ose online

Universiteti i Mjekësisë në Tiranë (UMT) ka marrë vendimin përfundimtar në lidhje me vijimësinë e vitit akademik.
UMT ka vendosur mbylljen e vitit akademik, ndërsa provimet do të zhvillohen me shkrim, ose online.

Forma e provimit online do të vihet në zbatim për lëndët ose modulet kur është e mundur, ndërkohë që provimet me shkrim do të realizohen në grupe të vogla, duke respektuar distancën.

Në vendimin e publikuar nga UMT thuhet se studentët do të kenë të drejtën e frekuentimit me dëshirë të seancave të prapambetura në vitin me grupet e rregullta mësimore.

I njëjti vendim u ndërmor një ditë më parë edhe nga Fakulteti i Gjuhëve të Huaja.