Tirana në kohën e ta rtakutit/ Banorët në këtë lagje kanë 20 vite pa një pikë ujë

Lagjia “Shkretë” në periferi të Kombinatit prej vitesh vuajnë mungesën e ujit në çezmat e tyre.

Njëri nga banorët thotë se kjo situatë ka që në vitin ’96. Zgjidhjen e kanë gjetur vetë, dikush me puse e dikush me bote.

Thonë se jo të gjithë kanë mundësi të blejnë ujë, e ndaj shpesh herë dhe kursejnë. Në Bashki e kanë ngritur si shqetësim, por ende asnjë zgjidhje.

Të vetmen shpresë se një ditë mund të kenë ujë është në fushatë elektorale, por më pas askush nuk kujtohet për to. Njëri nga banorët thotë se nëse nuk do të kenë ujë, familja e tij do të bojkotojë dhe zgjedhjet. Thirrja e tyre shkon për ujë.

Në lagjen “Shkretë” janë më shumë se 20 familje që prej vitesh vuajnë mungesën e ujit të pijshëm edhe pse e kanë një problem prej vitesh.