Mes lotësh, Ardit Gjebrea surprizon mjekët dhe infermierët e Infektivit

Moderatori shumë i dashur për publikun ka vendosur të surprizojë mjekët dhe infermierët e spitalit Infektiv, që prej më shumë se një muaji ndodhen në vijen e parë të luf tës me Koronavirus. Prej ditësh të tëra ata nuk mund të takojnë familjarët dhe janë përkushtuar në shpëtimin e pacientëve të infektuar nga virusi.

Gjebrea i thirri të gjithë mjekët e infermierët në oborrin e spitalit dhe u përcolli mesazhet e familjarëve të tyre.

Të emocionuar, mjekët nuk i mbajtën lotët nga kjo surprizë.

“FALEMINDERIT! Mirënjohje për gjithë stafin e Spitalit Infektiv dhe familjet e tyre. Jeni krenaria jonë dhe Zoti bekoftë sakrificat tuaja!”, shkruan Gjebrea në rrjete sociale duke publikuar edhe disa foto nga kjo surprizë.