Kimete Berisha thumbon keq ministren e Kurtit: Mos pleqno, se s’të shkon

Emërimet politike nëpër borde të bëra nga Lëvizja Vetëvendosje kanë nxitur reagime të shumta. Duke parë një gjë të tillë, ministrja e Kurtit, Rozeta Hajdari, është munduar t’i arysetojë duke thënë se ata janë anëtar të partisë por jo edhe militant.

Një arsyetim i tillë i ministres Hajdari i ka rënë në sy edhe publicists Kimete Berisha e cila ia ka përmendur ministres në fjalë ngritjen në detyrë të dikujt që lavdëron pushtetin e VV’së.

Në këtë reagim Berisha ka thënë se për 16 vjet punon në ministrinë e Kulturës, por thotë se askujt nuk i është kujtuar që ta avancojë në detyrë, raporton Express.

Berisha gjithashtu ia ka përmendur ministres Hajdari edhe arsyetimin se të punësuarit në borde janë ‘profesionistë dhe të përkohshëm’, duke i thënë se Kosova ka shumë profesionistë të cilët sillen rrugëve të papunë.

Reagimi i plotë:

Ti Rozeta Hajdari, mos pleqno se nuk të shkon ty pleqnimi, po trego ti pse në kohë pandemie bëhesh arrogante dhe e ngrit n’detyrë gruan e dikujt veç pse ai shkruan mirë për juve.

Qe 16-të vjet punoj në ministrinë e kulturës, s’u kujtu kush me më ngrit n’detyrë, aq e ‘paaftë’ që

jam, sepse ‘kushton’ m’u avancu.

Mos na trego ti neve qysh bëhesh ‘dikushi’ në qeverinë e Kosovës?

Ti tash del e thua se anëtarët e VV të emëruar në borde, janë profesionistë dhe të përkohshëm.

S’paska Kosova profesionistë, që i përshkruan ti me togfjalëshin e gërditshëm për ta ndalë ‘gjakderdhjen financiare’.

A e din ti moj zojë sa profesionisti i papunë sillet rrugëve i pashpresë. Pse s’po kujtohesh për ata?

S’ka korrupcion të përkohshëm.

S’ka politizim të përkohshëm të bordeve.

Ka veç politizim dhe korrupcion, edhe nëse veç një minutë zgjat ai politizim i bordeve.

E di që jeni veç njerëz (të gabuar), por ju nuk u dasht me na dhenë premtime për qeverisje të pagabuar.

Albin Kurti, nuk guxon me qenë as i dyshimt se lëre më ‘fajtor’.

Agim Veliu u shkarkua për një fjalë goje.

Agim Veliu u shkarku veç për një ‘fjalë goje’.

Kush e dëmtoi Kurtin më shumë?

Fjala ‘e jashtëzakonshme’ e Agim Veliut apo veprimi korruptiv i zakonshëm dhe i ultë i emërimit të bordeve nga ministrja e VV.

Ne nuk jemi mësu mirë, se të keqen e njohim si paren e kuqe, prandaj z.Kurti as mos provo me na mbajtë ‘orë pedagogjike’ me na bind për me ta pranu ‘korrupcionin e përkohshëm’.

Fshije.

Ka rrugêdalje: Qysh ke ditë me shkarku Agim Veliun pa dhimbt, pa t’bë gjë njeri (veç prej mendjemadhësisë tënde), shkarkoje tash ministrin tënd që e flliqi me vepra korruptive.