Edhe aktorja më e bukur në botë infektohet me koronavirus, pozitive del edhe vajza e saj 8 vjeçe

Aktorja e njohur indiane, Aishwarya Rai Bachchan dhe vajza e saj Aaradhya janë prekur nga koronavirusi.

Ato kryen testimin pasi mësuan se bashkëshorti dhe vjehrri i aktores ishin infektuar me Covid-19. Sipas CNN, testimi është kryer edhe nga pjesëtarët e tjerë të familjes të cilët kanë rezultuar negativë. Lajmi u bë i ditur nga Ministri i Shëndetësisë së Indisë, Maharashtra Rajesh Tope me një postim në Twitter.

“Aishwarya Rai Bacchan dhe vajza e saj kanë rezultuar gjithashtu pozitive me COVID-19. Ne dëshirojmë që familja Bachchan ta kalojë sa më shpejt këtë situatë dhe i urojmë shërim sa më parë”, shkruhej në postim.

Mumbai vendi ku ajo jeton, është ndër qytetet indiane më të prekur nga koronavirusi, me gjithsej 850,000 persona pozitivë. Aktorja është cilësuar si një ndër gratë më të bukura në botë.