Dalin pamjet, ky është momenti kur avioni gjigand goditet në ajër nga rrufeja
Një nga aeroplanët më të mëdhenj të ngarkesave në botë u godit nga rrufeja teksa po fluturonte nga Kina në Europë, gjatë një stuhie të fortë.
Avioni rus, model Antonov An-124-100 “Ruslan”, po transportonte pajisje mbrojtëse për koronavirusin.
Avioni gjigand u godit teksa po përgatitej të kryente një ndalesë për t’u furnizuar me karburant në Krasnoyarsk të Siberisë.
Mjeti fluturues, i projektuar nga sovjetikët, pësoi një dëmtim të madh në pjesën e hundës.
Avioni po fluturonte në mbi 2600 metra lartësi teksa u godit nga një rrufe e madhe.
Siç shihet dhe në fotografitë e mëposhtme, mund të dallohet qartë pjesa e përparme e aeroplanit “hunda”, e cila është dhëmbësuar si pasojë e goditjes së rrufesë.
Avioni ishte duke udhëtuar nga Shanghai drejt Portos në Portugali dhe po transportonte pajisje mjekësore.
“Ruslan” do t’i nënshtrohet riparimeve, ndërkohë që linja ajrore ruse Volga-Dnepr Airlines vlerësoi pilotin për uljen e sigurt të mjetit fluturues.
Sipas ekspertëve, ndonëse është dramatike për t’u parë, rrufeja nuk ka gjasa të shkaktojë dëme të mëdha nëse godet një aeroplan.
Burimi: Mirror|Përktheu dhe Përshtati: JOQ Albania