Çifti i moshuar që ka më shumë se 60 vjet bashkë shërohet nga Koronavirusi

Një çift i moshuar që kanë kaluar pothuajse çdo ditë me njëri-tjetrin për 60 vjet luf tuan koronavirus në shtretërit spitalor pranë njëri-tjetrit, sepse ‘nuk rrinin dot të ndarë’.

Sidney Moore, 77 vjeç dhe gruaja e tij Jean, 76 vjeç u morën nga shtëpia e tyre në Newton-le-Willows, Merseyside, në të njëjtën ambulancë për në Spitalin Whiston, më 10 prill, kur ata kontraktuan Covid-19.

Çifti u pranua në njësinë me varësi të lartë dhe kërkuan që ata të mbahen së bashku dhe kështu infermierët u siguruan që të futen në shtretër krah për krah.

Z. Moore, i cili tani është në shtëpi me gruan e tij që po shërohet, tha për St Helens Star:

Ishte dëshira jonë të përballemi me këtë së bashku dhe ata u siguruan se mundemi. Jean është e vështirë për t’u dëgjuar kështu që kjo na ndihmoi sepse atëherë ne të dy mund të kuptonim se çfarë po ndodhte dhe kjo më ndaloi të shqetësohesha për të. Ne kurrë nuk kemi qenë të ndarë për më shumë se gjashtëdhjetë vjet, nuk bëjmë dot të ndarë.
Z. Moore, një ish-pedagog i Inxhinierisë në Kolegjin St Helens, vlerësoi stafin e shërbimit të shëndetësisë për guximin e tyre që hynin në punë çdo ditë dhe i falënderoi ata që e ndihmuan atë dhe gruan e tij të shërohen.

Që nga pranimi, stafi i ambulancës ishte shkëlqyeshëm, ekipi i urgjencës ishte absolutisht i shkëlqyer. Është e drejtë të themi se ishim të tmerruar, por për ne u kujdesën shumë mirë. Të gjithë kanë qenë të shkëlqyeshëm.
Çifti i pandashëm u largua nga spitali të mërkurën 15 dhe tani janë në gjendje të mirë dhe po shërohen në shtëpi.