Lajme Javore

Informohu i pari

Arnold Schwarzenegger dhuron një milion dollarë për të luftuar Koronavirusin

Arnold Schwarzenegger ka dhuruar një milion dollarë për maska për të mbështetur punonjësit e shëndetit në luftën e tyre për të ndaluar përhapjen e koronavirusit.

Legjenda e filmit mbështeti një faqe për mbledhjen e fondeve për Flexport.org, një grup ndërkombëtar ndihme që po punon për të ofruar pajisje mjekësore për shpëtimin e jetës për ata që kanë nevojë më shumë.

Si pjesë e punës së tij me grupin, ylli i The Terminator ndihmoi në shpërndarjen e gati 50,000 maskave në një spital në Los Angeles, SHBA.

Duke folur për iniciativën, 72-vjeçari tha:

Mjekët tanë, infermierët dhe stafi i spitalit janë heronjtë e vërtetë të veprimit të kësaj krize. Unë thjesht luaj si një i tillë në filma. Ne kemi një mundësi dhe një përgjegjësi t’u sigurojmë atyre pajisje mbrojtëse personale tani për t’i mbajtur ata të sigurt pasi luftojnë kundër këtij virusi, kështu që kur dëgjova për planin e Flexport.org, kjo ishte një nxitëse për mua. Me gjithë punën e guximshme që ata po bëjnë në linjat e frontit për të na mbajtur të sigurt, blerja e disa qindra mijëra maskave me një milion dollarë është më e pakta që mund të bëj. Ju lutemi merrni një moment për t’u bashkuar në mbështetjen e heronjve tanë.

Në një video të postuar në faqen e tij në Facebook, Schwarzenegger ndau një moment se si kishte shkuar dërgesa.

Duke qëndruar para një disa kutive në një spital të LA, ai tha:
Një javë më parë, ne shkuam dhe porositëm maska dhe mjete mbrojtëse në vlerë prej një milion dollarësh për infermierët tanë dhe për mjekët tanë dhe punëtorët tanë mjekësorë këtu në spitalet rreth Los Angeles. Dhe tani jam këtu për të parë nëse, në të vërtetë, ka arritur këtu dhe nëse maskat e duhura mbërritën këtu. E gjithë kjo këtu është pjesë e dërgesës pikërisht për në këtë spital.
Duke nxjerrë një pako nga njëra prej kutive, ai më pas thotë:

Maska 95. Kjo është pikërisht ajo që të gjithë kërkojnë, i mban të shëndetshëm, të aftë dhe të gjallë. Misioni u realizua.
Burimi: Lad Bible | Përktheu dhe Përshtati: JOQ Albania