Dyshojnë për koronavirus, Kivanç Tatlitug dërgohet në spital, del përgjigja e testit

Aktori turk Kivanç Tatlitug është dërguar në spital pas dyshimeve se është prekur nga Koronavirusi. Aktori ishte vetëkarantinuar me bashkëshorten e tij në një shtëpi në fshatin Kemerburgaz, por vetëm pak ditë pasi ishin zhvendosur aty, Kivanç nuk është ndjerë mirë dhe e kanë dërguar në spital. Dyshimet e para kanë qenë për koronavirus dhe aktorit i është bërë testi.

Ai bëri një deklaratë për fansat duke i treguar çfarë ka ndodhur. “Përshëndetje të gjithëve, unë dhe bashkëshortja ime ishim mbyllur në shtëpi për 15 ditë. Megjithatë pas disa ankesave të mia, erdha në spital dhe mjekët më morën nën vëzhgim. Ju lutem mos u shqetësoni. Po pres përgjigjen e testit”, shkroi aktori dhe në një postim të dytë tregoi se testi i kishte dalë negativ.

“Erdha në spital sepse kisha temperaturë të lartë dhe kollë, kam pneumoni në një zonë të mushkërive. Mora trajtimin dhe
mësova se përgjigja për testin e Covid-19 ishte negative”, shkruan Tatlitug.