Sa njeri i mirë/ Këngëtari i njohur u jep numrin fansave: Më telefononi po të keni nevojë

Këngëtari me famë botërore dhe një ndër emrat më të dashur për publikun, Jason Derulo, ka befasuar fansat e tij në rrjete sociale.

Ai ka publikuar një video, ku ka treguar numrin e tij të telefonit, duke iu thënë ndjekësve të tij se është i disponueshëm për të gjithë.

“Ç’kemi njerëz, kam vendosur që të bëjë diçka të çmendur. Do të bëj publik numrin tim në Instagram. Dua që ju të më shkruani çfarëdo që keni në mendje në secilën orë të ditës apo natës, unë jam gjithmonë në studio duke punuar.”

Duket si diçka e çmendur, por fansat janë të lumtur që fiksimi i tyre është tashmë vetëm një mesazh apo telefonatë larg.

Diçka të tillë e ka bërë më herët edhe Eminem, i cili ndau numrin e telefonit me fansat për të qenë sa më pranë tyre.